Kalaallit Nunaanni inuussutissarsiummik ingerlataqarneq pillugu
Inatsisartut inatsisissaattut siunnersuut
pillugu
Inatsisartut Inuussutissarsiornermut Ataatsimiititaliaata
ISUMALIUTISSIISSUTAA
siunnersuutip aappassaaneerlugu suliarineqarnissaanut saqqummiunneqartoq
Inatsisartut Inuussutissarsiornermut Ataatsimiititaliaat suliarinninnermini ukuninnga inuttaqarpoq:
Inatsisartuni ilaasortaq Simon Olsen, Siumut, siulittaasoq
Inatsisartuni ilaasortaq Johan Lund Olsen, Inuit ataqatigiit, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Finn Karlsen, Atassut
Inatsisartuni ilaasortaq Mads Peter Grønvold, Kattusseqatigiit
Ataatsimiititaliap sulinera
Inatsisartut Inuussutissarsiornermut Ataatsimiititaliaata UKA 2001-imi siullermeerinerup kingorna Kalaallit Nunaanni inuussutissarsiummik ingerlataqarneq pillugu Inatsisartut inatsisissaattut siunnersuut nassuiaatitai ilanngullugit ataatsimiinnerni marlunni oqaluuseraa.
Inassuteqaat naalakkersuinikkullu oqaaseqarfiginninnerit
Ataatsimiititaliap iluarisimaarlugu maluginiarpaa inatsisissatut siunnersuutip § 2, imm. 2-ata aamma Inatsisit Tunngaviusut § 74-iata qanoq imminnut naapertuutsiginerat pillugu Kalaallit Nunaanni politimesterip tusarniaanermut akissummigut nangaanartoqartitsinerminik ersersitsinera Inatsisartut inatsisissaattut siunnersuummik saqqummiussinikkut malinniarneqarsimammat.
Tamatuma kingorna ataatsimiititaliap isumaqatigiittup inassutigissavaa Kalaallit Nunaanni inuussutissarsiummik ingerlataqarneq pillugu Inatsisartut inatsisissaattut siunnersuut allannguutitaqartinneqarani akuersissutigineqassasoq.
Inatsisartut Inuussutissarsiornermut Ataatsimiititaliaata taamatut oqaaseqarluni Kalaallit Nunaanni inuussutissarsiummik ingerlataqarneq pillugu Inatsisartut inatsisissaattut siunnersuut aappassaaniigassanngortippaa.
Simon Olsen,
siulittaasoqJohan Lund Olsen Per Rosing-Petersen
Finn Karlsen Mads Peter Grønvold